Santai Sejenak
Membangun Sulut Dengan IpTek dan Iman
Home
Print this pageAdd to Favorite
Share

Pergi Untuk Kembali (Elo) ; Arang Tampurung (Gunawan) ; Country Roads (John Denver)

   

 

Silahkan di tulis mohon jangan ada unsur SARA 

Nama:

Judul:

Cerita Lucu :


NamaJudul LawakTanggalCerita Lucu
kenszy lengkong....alo pulang ba pontar ada 2012-12-29alo pulang ba pontar ada managis, konk dia pe papa ba tanya
papa: qpha ngana alo..???
alo: dorang bilank ktha mama ktha bidadari...
papa: hiieee......konk qpha ngna mnangis bukang ngana senang cuma treen ada mnangis..
alo: dorang bilank masak bidadari kaweng denk babi utang..
papa" *&**^^&&%%^$%$$%$%#$#.......
di mana dorang......
kenszy lengkongalo mo bunuh diri...2012-12-29alo so bosan denk dia p'hidop, konk dia mo ba gantong diri p'dia p'kamar, mar di ada ba gantong da ika di puruh...
aloo: adwoooooooooo.....
(tiba" utuk da maso)
utuk: alo ba apa ngana..'???
alo: mo byunu dyiry qtya...
utuk: kiapa reen ndak ika di leher..???
alo: huuuuff......syikxza ndak ta banafaszxx.......
kenszy lengkongalo mau bunuh dirih...2012-12-29warga: pak haji, anak bapak lagi maen judi di kolong jembatan
pak haji: astafirla...
warga: tapi anak menang loh....
pak haji: arhamdulila...
NNUngke Nimau Kalah2012-11-24Ibu guru: Nama saya ibu Sri, saya dari jawa sekarang mengajar di manado. murid-murid tolong perkenalkan satu persatu nama kalian,,jangan lupa tempat lahir kalian yahh.

Utu: (Utu gengsi tinggi)nama Utu Kityaa...lahir di L A(langoan atas)

Ibu guru : hebat ya kamu lahir di LA.

Uti: (pe sombong ni Utu, qta ley bisa)nama saya Uti Tenunu....lahir di Chicago(china campur gorontalo)

Ibu guru : wow luar biasa, dari Amerika juga.

Tole: (odo' nimbole kalah qta) nama sy Tole Teleh...lahir di Wasington (wilayah airmadidi samping tonsea lama)

Ibu guru : lahir di Amerika juga ckckck (berdecak kagum dgn anak2 Manado)

Terakhir Ungke, dia so bingo mo bilang apa lantaran de pe teman2 pe tampa lahir di luar negri samua.

Ibu guru : kalo kamu?

Ungke: Ungke....qta lahir di Swis(sekitaran wilayah sangir)
UtuUtu Pande2012-10-04Utu pigi di dokter mo batanya soalnya dia pe dua talinga so merah malopo.

Dokter: Utu, kiapa ngana pe talinga?

Utu: Bagini pak Dokter, kita kwa da ba strika baju, kong tu telepon ba bunyi. Kong kita iko angka, maar bukang angka tu telepon, tu strika kasiang tu ta da angka kong taru pa tape talinga…bagitu pak Dokter depe cerita.

Dokter: Ooo dapa sayang skali do ngana, maar kiapa dang tu talinga satu lei?

Utu: Oo tuh biongo itu kwa batelepon ulang
AloAnak yg bijaksana2012-09-29Anak yg bijaksana

Ada nih om2 mo tanya om pala pe rumah...pas ada anak kacili didekat situ..

Om : Ade,,om pala p rumah dmna kang??
ade : ohhhh...om trus jo..klo dpa lia belokan ka kanan,om belok kanan,,klo dpa lia belokan ka kiri,,om belok kiri noh mar klo ada jalan trus2 om trus2 jo noh
Om : Ih... yg mana yg butul dank ini??
ade : om kan so basar...so tau pasti mna yg butul dg mana yg salah to?!?!?
RedaksiOm Alo Dapa2012-06-08Alo so lapar skali, dia masuk ke warung pesan nasi+ikan 3 piring !...

Sambil makan, tanta di kasir perhatikan pa Om Alo.....

Om Alo tanya ; "Tanta kyapa lia2 pa kita.. ?? Naksir so ?"

Tanta jawab; "Naksir apa jo ? Om p ba makang rupa babi"

...tapi om Alo nda ambe pusing, jadi om Alo makan teruz.

Pas selesai makan om Alo langsung jalan, trus tanta langsung ba taria ..."Om bayar dulu stow kang ..??"

Om Alo brenti kong bilang :
"Kyapaaaa...ngana pernah lia babi abis mkn bayar so ??"....
RedaksiBukan Tanpa Parkir2012-05-29Bukang Tampa Parkir
Alo panako pa polisi deng Tentara . Suatu saat, di sebuah bis DAMRI yang depe penumpang baku susung kaya ikang Roa, kong Alo batanya pa itu salah satu penumpang yang depe badan besar deng kekar kong rambut pendek ley ……
Alo : “Maaf Om, apa om ini Polisi ? “
Penumpang : “ Bukang ”
Alo : “ Apa om Tentara ”
Penumpang : “ Bukang ! ”
Alo : “ Ooohhh Angkatan Laut atau Angkatan Udara stow kang ??”
Penumpang : “ Bukaaang…!” Kiapa so na babatanya terus ?
Alo : Eeeeee Tooollleeee bakira sadiki eeeeee
Penumpang : Kiapa sooooooo
Alo : Kiapa ….. kiapa so, Na kira ta pe kaki ngana pe kaki pe tampa parkir setaaaaannnnnng
Bert Toar PoliiMahasiswa Buraco2012-05-29Seorang manasiswa bernama Burraco dari salah satu perguruan tiggi negeri di Manado (cuma satu memang) yang nyanda pernah turun kampung, dapat tugas KKN di Tonsea Lama. Dari Airmadidi dia nae mini bus ke Tonsea Lama. Dalam minibus, dia duduk baku sebelah deng seorang Tante yang da pangko-pangko satu karong milu. Sebelum minibus berangkat, dia tanya pa itu Tante:
"Tan, for apa doq ini milu kong so nimau kase lepas begitu ?"
Tante: "Ini kasiang utu, torang pe makanan pokok."
Burraco: "Yah kasiang Tante, kalu di Manado, itu milu itu kuda pe makanan."
Tante: "Adoh kasiang utu, memang Manado kua so modern, nyanda rupa torang sadiki primitif."

Sudah...oto so berangkat. Kong so mulai nae-nae Tenggari. Belok kanan, belok kiri....Burraco pe puru so mulai mulas.....akhirnya...Burraco nyanda tahang: Burraco muntah !
Kong ternyata di Burraco pe muntah ada butiran-butiran milu sisa tinutuan yang dia baru abis semokol akang di terminal Airmadidi.

Tante: "Syofiur....stop dulu ..... stop !"
Sopir: "Kiapa Tante...stop ?"
Tante: "Napa kuda da ba muntah...!"
Bert Toar PoliiOm Utu so lebe visioner2012-05-25Satu hari Alo nae nae pesawat dari jakarta mo pi manado,
di pesawat Alo duduk baku sablah deng om Utu...
karna cuma babadiam di pesawat kong allo buka cirita stel batanya pa om Utu:

Alo: "Om, so jam brapa skarang kang..?"

Om Utu Cuma badiam..
Alo batanya ulang lei pa om Utu .... sampe 3 kali
maar om Utu tidak bergeming...

karna jengkel kong Alo kore pa om Utu kong bilang;
Alo: “kita heran komang .., cuma lei tanya akang jam ..... mo ba mahal bagitu ....."

Kong om Utu buka bicara;

Utu: "Aloeh tole.... bukang kita nda mo jawab ... maar kalu kita jawab pasti somo ta trus torang pe cirita,
cirita ini.. cirita itu ... kong abis itu torang dua jadi akrab..."

Alo takage deng om Utu pe jawaban kong balas batanya;

Alo: "Apa salahnya klu kita deng om jadi akrab .... kan lebeh bagus toh..."

kong Om Utu jawab;
Utu: "bagini tole, kalu sampe di manado nanti ta pe maitua deng anak perempuan mo jemput pakita...
kalu torang dua so akrab pasti turung sama-sama..., trus pasti ta kse kanal pa maitua...
no.. ta pe maitua pambae skali... pasti dia tawarkan pangana singgah di rumah..
kong ngana mandi pa kita pe rumah, makang pa ta pe rumah.. lama-lama ngana mo ba akrab deng ta pe anak perempuan ... lama-lama ngoni batona ... kong akhirnya ngana jadi ta pe anak mantu..."

Alo jadi bingo deng Om Utu pe jawaban....
kong dia batanya;
Alo: "Trus apa hubungannya deng kita pe pertanyaan tadi.... om komang talalu ba pikir panjang no..."

om Utu langsung badiri kong bicara sadiki kras;
Utu: "Masalahnya tole... KITA NEMAU PUNYA ANAK MANTU RUPA NGANA.. BIAR JAM TANGAN NYANDA ADA..
BAGIMANA NGANA MO KASE BAHAGIA KITA PE ANAK....."

Alo langsung tadiam sejuta bahasa....
1 2 3 4 ... 8 Next >>


 
Sumber : Canda & Tawa Sulut FB Group, Internet